WANANCHI KILOMBERO WAHAMASISHWA KUPIGA KURA NOVEMBA 27,2024

Posted on: November 26th, 2024

Mkuu wa Wilaya ya Kilombero Mhe. Wakili Dunstan Kyobya leo tarehe 26 Novemba 2024 , ameongoza matembezi  ya kuhamasisha Wananchi wa Kilombero kushiriki Uchaguzi  kesho tarehe 27 Novemba 2024.

Matembezi hayo yaliandaliwa na Hospitali ya Mtakatifu Fransisko iliyopo Halmashauri ya Mji Ifakara .

" Hongereni sana St. Francis kwa jambo hili , niwaombe  kila mwenye miaka 18 na amejiandikisha kwenye Daftari la Mkazi  anawajibu wa kupiga kura hapo kesho". Alisema Mhe. Kyobya

Vilevile, matembezi hayo yalihudhuriwa na  Mbunge wa Jimbo la Kilombero Mhe. Abubakari Asenga ambaye aliwataka Wananchi wa Kilombero kupiga kura hapo kesho kwani hutokea kila  baada ya miaka mitano hivyo ni muhimu kufanya maamuzi na  kuchagua viongozi watakao leta Maendeleo .

Aidha, katika tukio hilo Mkurugenzi wa Hospital ya St.Francis, Bw.Solanus Fussy alimkabidhi Mkuu wa Wilaya magari matano yatakayo beba wazee na watu wasiojiweza  kuwapeleka Vituoni kupiga kura.