BENKI YA CRDB YAKABIDHI VITI NA MEZA 100 SHULE YA SEKONDARI MAHUTANGA

Posted on: October 8th, 2025

BENKI YA CRDB YAKABIDHI VITI 50 NA MEZA 50 SHULE YA SEKONDARI MAHUTANGA

Benki ya CRDB imekabidhi Viti 50 na Meza 50  Shule ya Sekondari Mahutanga iliyopo Kata ya Lumemo Halmashauri ya Mji Ifakara leo Oktoba 8,2025  Ikiwa ni Sehemu ya Maadhimisho ya Wiki ya Huduma kwa Wateja na utaratibu wa  Benki hiyo kurudisha kwa  Jamii .

Akizungumza wakati wa Makabidhiano hayo Meneja wa Benki ya CRDB Kanda ya Kati Bi. Chabu Mishwaro alisema Katika kuadhimisha Wiki ya Huduma kwa Wateja zoezi hilo linafanyika katika Kanda 8 nchi nzima Ili kuhakikisha Mwanafunzi anapokua darasani anapokea kile anachofundishwa katika Hali ya Utulivu .

 Mgeni katika Hafla hiyo alikua Mkuu wa Wilaya ya Kilombero  Mhe. Wakili Dunstan Kyobya ambapo aliwashukuru Benki ya CRDB kwa kuipatia Shule hiyo Viti na Meza hizo kwani imewasaidia kupunguza adha ya Viti 183 na Meza 183  Hadi Kufikia  Viti 133 na Meza 133 .

Nae Afisa Elimu Sekondari Bw. Folkward Mchami alitoa shukrani kwa Benki hiyo na kuwasisitiza Wanafunzi hao Kuzingatia kutumia na kutunza vizuri  Ili na wadogo zao waje kuvitumia.