UZINDUZI WA ZOEZI LA UTOAJI WA MIKOPO YA ASILIMIA 10

Posted on: November 18th, 2024

Mkuu wa Wilaya ya Kilombero Mhe. Wakili Dunstan Kyobya amezindua Rasmi zoezi la  utoaji wa Mikopo  ya Asilimia 10 kwa Vikundi vya Wanawake , Vijana na Watu wenye ulemavu , ambazo ni Fedha za Mapato ya ndani ya Halmashauri na kutoa  Hundi ya Mfano yenye thamani ya Shilingi Milioni 817,619,365.

Uzinduzi huo umefanyika leo Jumatatu tarehe 18 Novemba katika Ukumbi wa Chuo cha Maendeleo ya Wananchi ( Ifakara FDC) uliopo uliopo Halmashauri ya Mji Ifakara

" Nawapongeza sana  Vikundi vyote , Fedha hizo  mkazitumie kulingana na Malengo mliyojiwekea . Halmashauri inaenda kutoa Fedha  Milioni 817, 619,365  kwa makundi matatu , Wanawake , Vijana na Watu wenye Ulemavu, mkazitumie vizuri Ili mkatimize Malengo yenu" . Alisema Mhe. Kyobya 

Wakati huohuo, Kaimu Mkurugenzi wa Halmashauri ya Mji Ifakara Bibi. Witness Kimoleta aliwasihi  wote walioomba na watakaopata Mikopo hiyo kuzingatia kanuni, taratibu na Sheria za Mikopo ili ikatoe matokeo chanya katika shughuli wanazoenda kuzifanya na kutimiza azma ya  Rais wa Jamhuri ya Muungano wa Tanzania  Mhe. Dkt. Samia Suluhu Hassan ya kuhakikisha makundi mbalimbali  ya wanawake, Vijana na Watu wenye ulemavu yanajikwamua kiuchumi.

" Tumewaandaa  Maafisa  wanaoshughulikia Mikopo kuendelea kutoa Elimu na  kuwatembelea mara kwa mara katika maeneo yao kuhakikisha shughuli wanazofanya zinaleta tija". Alisisitiza Bibi. Kimoleta na kuongeza

"  Kiasi cha Sh. Milioni 261,000,000 kitatolewa  kwa Kata 15 kati ya 19 kwa  Vikundi  vilivyokaguliwa na kukidhi vigezo kwa  awamu ya kwanza , awamu nyingine zinafuatia, Halmashauri ya Mji Ifakara iko bega kwa bega na Wananchi  kuhakikisha kwamba wanatumia Mikopo vizuri na Mikopo hiyo inaleta Mabadiliko katika maisha yao". Alimaliza Bibi. Kimoleta 

Mmoja wa Wanakikundi hao Bi. Hilda Imani kutoka Kata ya Katindiuka  alishukuru Halmashauri ya Mji Ifakara kwa kuwapa Elimu ya kujiunga kwenye Vikundi Ili waweze Kupata Mikopo hiyo

" Kikubwa tujue hii ni Mikopo lazima turejeshe kwa wakati , ninaimani Mikopo hii itatutoa sehemu Moja kwenda nyingine". Alisema  Bi. Hilda