UBORESHAJI WA DAFTARI LA KUDUMU LA WAPIGA KURA JIMBO LA KILOMBERO KUANZA TAREHE 1 MACHI, 2025 HADI TAREHE 7 MACHI 2025

Posted on: February 24th, 2025

Wananchi wa Jimbo la Kilombero wametakiwa kushiriki katika Zoezi la Uboreshaji wa Daftari la Kudumu la Wapiga Kura linalotarajiwa kuanza kuanzia Tarehe 1Machi, 2025 hadi tarehe 7 Machi 2025 katika Kata zote 19 za Jimbo la Kilombero.

Akizungumza mara baada ya kikao na Makatibu wa Vyama vya Siasa wa Wilaya ya Kilombero kilichofanyika leo Februari 24, 2025 katika Ukumbi wa Mikutano uliopo Halmashauri ya Mji Ifakara,Afisa Muandikishaji wa Daftari la Kudumu la Wapiga Kura Jimbo la Kilombero Bw. Rashidi Semngoya ametoa Rai kwa kila mwananchi wa Jimbo la  Kilombero  mwenye sifa za kushiriki zoezi hilo  kutumia haki hiyo ya Msingi kujiandikisha na  kuboresha taarifa kwenye Daftari la wapiga Kura.

" Kila Mwananchi wa Jimbo la Kilombero mwenye sifa ajitokeze  kuanzia tarehe 1 hadi 7 Machi  kushiriki zoezi hili  Ili aweze  kumchagua kiongozi anayemtaka katika Uchaguzi Mkuu mwaka huu". Alieleza Bw. Semngoya