SOKO KUU LA IFAKARA LAFANYIWA USAFI

Posted on: January 20th, 2024

   Kutokana na Mlipuko wa Ugonjwa wa Kipindupindu Nchini, Mkuu wa Wilaya ya Kilombero Mhe.Dunstan Kyobya ameongoza zoezi la Usafi maalum katika Soko Kuu la Ifakara Leo Januari 20,2024.

Akizungumza na Wananchi baada ya usafi, DC Kyobya amewataka Wananchi kutumia muda wao kufanya Usafi katika maeneo yao ya makazi na biashara ili kuepuka madhara ya Kipindupindu kitakapojitokeza.

Hata hivyo Mkurugenzi wa Halmashauri ya Mji Ifakara Bi.Zahara Michuzi akiambatana na Wataalam toka Halmashauri hiyo wameratibu na kushiriki kikamilifu ili  kuunga Mkono juhudi za DC Kyobya.

Viongozi mbalimbali wa ngazi zote pamoja na wanajamii kiujumla, wamejitokeza na kujumuika na Wananchi pamoja na Wafanyabiashara wa Soko Hilo wakitumia muda usiopungua masaa matano .