Norway yashangazwa na Yaliyomo Udzungwa

Posted on: March 15th, 2024

  Balozi wa Norway Nchini Tanzania Mhe.Tone Tinnes ametembelea Hifadhi ya Milima  Udzungwa Machi 14 2024.

Akiongozwa na Mwenyeji wake ambae ni Mkuu wa Wilaya ya Kilombero Mhe.Dunstan Kyobya, Balozi huyo ameweza kujionea uzuri wa Hifadhi hiyo iliyosheheni vivutio vya Utalii kama; maporomoko ya Maji,wanyama na wadudu wa kuvutia.

Hata hivyo Bi.Tinnes amepongeza Mamlaka ya uhifadhi wa Mazingira Nchini kwa kuendelea kutunza Maliasili kwa manufaa ya kizazi kijacho.

"Nmependezwa sana na hali ya uhifadhi ilivyo kwani Mazingira si kwa kizazi hiki tu Bali pia kwa vizazi vijavyo".Alisema Tinnes 

Mhe.Tinnes amepata wasaa wakupanda Miti katika Hotel ya Twiga ikiwa ni namna ya  kuunga Mkono jitihada za uhifadhi wa Mazingira.