MIGOGORO YOTE ILIYOPO WILAYA YA KILOMBERO IISHE".MHE.DKT.DAMAS NDUMBARO (MB)

Posted on: December 14th, 2024

Waziri wa Katiba na Sheria Mhe. Dkt . Damas Ndumbaro ( Mb) amesema Migogoro yote iliyopo katika Wilaya ya Kilombero inapaswa kuisha kupitia Kampeni ya Msaada wa Kisheria ya Mama Samia( Mama Samia Legal Aid Campaign) kwa kuwa  kila mwananchi mwenye Mahitaji  anatakiwa apate Msaada wa Kisheria .

Hayo ameyasema mapema leo Disemba, 14,  2024 wakati akifungua Kampeni ya Mama Samia ya Msaada wa Kisheria katika Wilaya ya Kilombero ambapo alisema Msaada huu wa Kisheria ni maelekezo Mahususi ya Rais wa Jamhuri ya Muungano wa Tanzania Mhe. Dkt. Samia Suluhu Hassan ambaye aliona kero na changamoto zinazowakuta watanzania  katika masuala ya Sheria na utatuaji wa Migogoro,hivyo akaagiza Wizara yenye dhamana inayohusika na Katiba na Sheria ,iandae mpango wa Msaada wa Kisheria Bure kwa watanzania wote.

"Mhe. Rais Dkt. Samia Suluhu Hassan ameelekeza kila mwananchi  mwenye Mahitaji apate Elimu  na msaada wa kisheria ,Wataalamu wapo kwa muda wa siku 9 Wilayani Kilombero na  watahakikisha kila mwananchi mwenye kero anasikilizwa na kutatuliwa kero yake". Alieleza  Mhe. Dkt. Ndumbaro

Kwa upande wake Mkuu wa Wilaya ya Kilombero Mhe. Wakili Dunstan Kyobya alimshukuru Mhe. Rais Dkt. Samia Suluhu Hassan Kwa kuleta Elimu na  huduma ya Kisheria ya Mama Samia buree katika Wilaya ya Kilombero kwani  Wananchi watatauliwa masuala  mbalimbali ikiwemo  migogoro ya wakulima na Wafugaji, mirathi , ndoa, unyanyasaji wa kijinsia  n.k.

Aidha , Mwenyekiti wa CCM Wilaya ya Kilombero Ndugu . Mohammed Msuya  aliwataka Wananchi wa Kilombero Kujitokeza kwa wingi katika siku 9 za Wataalamu hao wa Sheria watakazo kuwepo Wilayani Kilombero.