KIKAO CHA AFYA MSINGI (PHC)KUJADILI HALI YA UGONJWA WA HOMA YA TUMBO

Posted on: December 18th, 2024

Kikao cha Afya ya  Msingi ( PHC) kwaajili ya kujadili Hali ya Ugonjwa wa Homa ya Tumbo kimefanyika leo Tarehe 18 Disemba  Katika Ukumbi wa Mikutano uliopo Ofisi ya Mkuu wa Wilaya ya Kilombero,  Halmashauri ya Mji Ifakara.

Aidha , katika Kikao hicho mambo mbalimbali yalijadiliwa ikiwemo mpango mkakati wa kuzuia na kudhibiti  Ugonjwa huo ikiwa ni pamoja na kuendelea kutoa  Elimu kwa  jamii kupitia vikao mbalimbali vya ngazi ya Kata, Vijiji na Vitongoji na Pia kuhamasisha njia mbalimbali za usafi kwa Wananchi  Ili kuendelea kujikinga na kuepukana na Ugonjwa huo.

Kikao hicho kilihudhuriwa na Viongozi wa Dini, Mashirika, Viongozi wa Kata, Vijiji na Vitongoji, Maafisa Ustawi wa Jamii,  Maafisa Afya , Viongozi wa Tiba Asili na Tiba Mbadala n.k

Mwenyekiti wa Kikao hicho alikua Mkuu wa Wilaya ya Kilombero Mhe. Wakili  Dunstan Kyobya.

Aidha Kaimu Mkurugenzi wa Halmashauri ya Mji Ifakara Bibi. Witness Kimoleta aliwataka Wadau na  Viongozi hao kushurikiana  Ili kufanikisha mikakati iliyowekwa  ya kujikinga na kuondokana na Ugonjwa huo.