IFAKARA MJI YATWAA KOMBE LA MSHINDI WA PILI SHIMISEMITA 2024.

Posted on: September 6th, 2024

IFAKARA  MJI YATWAA KOMBE LA MSHINDI WA PILI,  SHIMISEMITA 2024

Timu ya Mpira w Miguu wanaume ya Halmashauri ya Mji Ifakara imetwaa kombe la Mshindi wa Pili kwenye hatua ya fainali ya SHIMISEMITA 2024  baada  ya kufungwa kwa  taaabu sana na Timu ya Geita DC goli 2 kwa moja hapo jana Alhamisi tarehe 5 Septemba, 2024. 

Akizungumza mara baada ya ushindi huo Afisa Michezo wa Halmashauri ya Mji Ifakara Bwana  Rashid Mgaruka alimshukuru Mungu kwa ushindi huo  kwani kazi haikuwa rahisi. Vile vile amemshukuru  Mkurugenzi wa Halmashauri ya Mji Ifakara  Bi. Zahra Michuzi kwa kuwawezesha kushiriki mashindano hayo yaliyowafanya kukutana na marafiki na pia  kutengeneza marafiki wapya. Bwana Mgaruka aliahidi timu kuendelea kujipanga vizuri kwaajili ya mashindano yajayo.

" Tunamshukuru Mkurugenzi wetu wa Halmashauri ya Mji Ifakara Bi. Zahra Michuzi ambaye ni mwanamichezo namba moja kwa  kutuwezesha kushiriki mashindano haya kwani tumeweza kufahamiana na watu na kuongeza jiografia ".alisema Bwana Mgaruka  na kuongeza " tumepata fursa ya kurefresh na hivyo tunarudi kazini tukiwa na nguvu na ari mpya. Tunaahidi safari nyingine kubeba kombe la Mshindi wa kwanza." alimaliza Bwana Mgaruka

Jumla ya timu 66 zilishiriki mashindano hayo ya SHIMISEMITA 2024 yaliyofanyika Jijini Mwanza kuanzia tarehe 25 Agosti, 2024  na kuhitimiswa jana Septemba 5, 2024.