DC KILOMBERO ATOA MASAA 72 KWA WATAALAMU WA ARDHI KUPIMA NA KUHAKIKI NYARAKA ZA UMILIKI WA ARDHI BAINA YA TARI-KATRINI NA WANANCHI WA KITONGOJI CHA IGOMBATI

Posted on: November 13th, 2024

Mkuu wa Wilaya ya Kilombero Mhe.Wakili Dunstan Kyobya ametoa Masaa 72 kwa  wataalamu wa Ardhi kupima na kuhakiki nyaraka zote za umiliki wa Ardhi baina ya Taasisi ya Utafiti wa Kilimo Tanzania (TARI )- KATRIN  na Wananchi wa Kitongoji cha Igombati kilichopo Kijiji cha Lumemo Halmashauri ya Mji Ifakara.

Hayo ameyasema leo tarehe 13 Novemba 2024 alipokuwa akisikiliza na kutatua Mgogoro wa Ardhi baina ya Wananchi  wa  Kitongoji cha Igombati na TARI - KATRIN.

Awali, mmoja wa Wanakijiji  Bw. Lucian Mwangaitema alisema tangu azaliwe miaka 73 iliyopita wamekuwa wakitumia eneo hilo kwa Kilimo na hajawahi kuona Shirika au Kampuni yoyote inadai  eneo hilo.

Kwa upande wake Bw. Abdallah Mpunga kutoka TARI - KATRIN alisema  eneo hilo linamilikiwa na Taasisi hiyo tangu wakati TARI  inaitwa Tanganyika Agricultural Corporation (TAC ) iliyoanzishwa mwaka 1954.