DAS MWAIKWILA APONGEZA UANDIKISHAJI WA WANAFUNZI

Posted on: January 8th, 2024

 Katibu Tawala Wilaya ya Kilombero Abraham Mwaikwila, ametembelea baadhi ya Shule za Msingi na Sekondari  leo Januari 8,2023.

Katika matembezi hayo ameambatana na Maafisa Elimu wa Msingi na Sekondari ili kuangalia mahudhurio ya Wanafunzi ya uandikishaji wa Darasa la Awali na Darasa la Kwanza pamoja na uhudhuruaji wa Wanafunzi wa Kidato cha kwanza.

Hata hivyo ametoa pongezi kwa wazazi waliowaandikisha na kuhakikisha Wanafunzi wanafika shuleni na  kuanza masomo yao leo .

"Hongereni sana wazazi,walimu na Wanafunzi kwa kuhakikisha masomo yanaanza leo na nitoe wito kwa Wanafunzi ambao hawajafika wajitahidi wafike ndani ya wiki hii" DAS Mwaikwila

Pamoja na hayo amewataka walimu kuendelea kuwa na moyo wa kujitolea kulea Wanafunzi kwa Misingi na maadili mema.