BODI YA PAMBA TANZANIA YAFANYA UWEKEZAJI KWA KUKODI ENEO LA KIJIJI CHA KIKWAWILA LENYE UKUBWA WA EKARI ELFU 11,000 KWAAJILI YA KILIMO CHA DENGU

Posted on: July 20th, 2025

BODI YA  PAMBA  TANZANIA YAFANYA UWEKEZAJI  ENEO LA KIJIJI CHA KIKWAWILA LENYE UKUBWA WA EKARI ELFU 11,000 KWAAJILI YA KILIMO CHA DENGU

Bodi ya Pamba Tanzania imefanya Uwekezaji wa Kilimo cha zao la Dengu  katika Eneo la Shamba la Kijiji cha Kikwawila , Muomakila lililopo Kata ya Kibaoni kwa kipindi cha Miezi Minne kuanzia Mwezi Agosti hadi Novemba 2025 ambapo Shamba hilo huwa halitumiwi na Wanakijiji kwa muda huo huwa wameshavuna Mazao  yao ambayo ni Mpunga na kusubiri msimu mwingine wa Kilimo ambacho huanza Mwezi Novemba . Aidha Mwekezaji huyo atatumia Shamba hilo kwa Kipindi ambacho Shamba linakuwa halina shughuli zozote za kilimo kwa Wanakijiji kwa muda wa miezi 4 kwa Gharama ya Shilingi  Milioni 50,000,000 ambapo Fedha hiyo itawekwa katika akaunti ya Kijiji.

Akizungumza wakati wa Mkutano wa Wanakijiji cha Kikwawila , Viongozi wa Serikali ya Kijiji, Halmashauri , Wilaya na Wawekezaji hao tarehe 20/7/2025, Mkuu wa Mkoa wa Morogoro Mhe. Adam Kighoma Malima aliwaeleza Wanakijiji hao kuwa mbali  na Mwekezaji huyo  kukodi Ekari hizo pia  atawalimia Wananchi Ekari Elfu 2,000 kati ya Ekari Elfu 11,000 anazozikodi na kwamba Wananchi hao Watazisimamia na kuwa mfano kwa wengine.

"Ekari Elfu 11 zitalimwa kati ya hizo Ekari  Elfu 2 zitalimwa kwaajili ya Wanakijiji kila mtu atapewa azisimamie kwenye utaratibu wa Ushirika wa Kijiji, Ekari elfu 9 zitakuwa kwaajili ya Mwekezaji ". Alisema Mhe. Malima

Kwa upande wake Makamu Mwenyekiti wa  Bodi ya Pamba Aggrey Mwanri alisema katika Uwekezaji huo Wanakijiji hao watanufaika ambapo Bodi ya Pamba itachangia shughuli za kimaendeleo kwa Kijamii kama ELIMU , Afya , Miundo Mbinu n.k

Mmoja wa Wananchi wa Kijiji hicho Bw. Martine Ngwega alieleza ujio wa Mwekezaji katika Eneo hilo utanufaisha Wananchi wa Kijiji hicho kwani Kipindi ambacho wanakuwa wamevuna Mpunga eneo hilo linakuwa halitumiki hivyo kuja kwa Mwekezaji huyo kutaendelea kuongeza mapato na Ustawi wa Kijiji hicho.

"Tunashukuru Mwekezaji kwa kulichagua eneo letu, kwani pia suala la Miundombinu ameahidi kututengenezea na Vijana wetu watapata Ajira kupitia Uwekezaji huu". Alisema Bw. Ngwega