WADAU WA MWENGE WAPONGEZWA

Posted on: January 12th, 2024

•   Kaimu Mkurugenzi wa Halmashauri ya Mji Ifakara Rashid Semngoya ametoa shukrani kwa wadau mbalimbali waliofanikisha Mbio za Mwenge wa Uhuru wa Mwaka 2023.

Shukrani hizo zimetolewa katika Hafla fupi iliyoandaliwa na Ofisi ya Mkurugenzi wa Halmashauri ya Mji Ifakara na kufanyika leo Januari 12,2024 Ukumbi wa Mazingira Mjini Ifakara.

Mgeni rasmi ambae ni Mkuu wa Wilaya ya Kilombero Mhe. Dunstan Kyobya ametoa vyeti maalum vinavyoonesha kuthaminiwa kwa mchango wao.

"Ushindi wetu ni wa pamoja hivyo sina budi kuwashukuru na  Kwa kufanikisha matokeo mazuri tuliyoyapata Mwaka 2023". Amesema DC Kyobya

Sambamba na hayo DC Kyobya ameeleza bayana kuwa ushindi wa Mwaka Jana umetokana na uongozi imara toka kwa Mkurugenzi aliyepita Lena Nkaya na Mwenyekiti wa Halmashauri ya Mji Ifakara Mhe.Kassim Nakapala.

Viongozi mbalimbali kutoka Vyama vya Siasa, Taasisi za Serikali, Wafanyabiashara,Vyama vya Wafanyakazi na wengine wamehudhuria hafla hiyo.

Ikumbukwe kuwa matokeo ya Mwenge Mwaka 2023, Halmashauri ya Mji Ifakara ilishinda nafasi zifuatazo; ya 2 kimkoa,13 kikanda na 40 kitaifa.