WILAYA YA KILOMBERO YAZINDUA MAADHIMISHO YA WIKI YA SHERIA 2025

Wilaya ya Kilombero Januari 25,2025 imezindua Maadhimisho ya Wiki ya Sheria nchini  katika Viwanja vya Mahakama ya Wilaya ya Kilombero iliyopo Halmashauri ya Mji Ifakara .

Uzinduzi huo ulitanguliwa na maandamano yaliyoanzia Stendi Kuu ya Mabasi Kibaoni mpaka Mahakama ya Wilaya ya Kilombero ambapo Mgeni Rasmi katika Uzinduzi huo alikua Mkuu wa Wilaya ya Kilombero Mhe. Wakili Dunstan Kyobya ambaye aliwataka Wananchi wa Wilaya hiyo kujitokeza kwa wingi kupata huduma za Kisheria katika maeneo na vituo mbalimbali vilivyowekwa kutoa huduma hizo ili wapate ufumbuzi na  utatuzi wa Migogoro mbalimbali ya Kisheria.

"Kuna migogoro tofautitofauti ya  Ardhi, mirathi, talaka n.k hivyo taasisi zinazohusika na haki jinai wahakikishe watu wanapata haki zao katika jamii". alisisitiza Mhe . Kyobya

Kwa upande wake Hakimu Mfawidhi wa Mahakama ya Wilaya ya Kilombero ,Mhe. Regina Futakamba aliwasisitiza Wananchi wa Kilombero kujitokeza kupata huduma hizo ikiwemo Elimu na utatuzi wa Migogoro ya Kisheria.

" Huduma hii imezinduliwa leo 25 /1/2025 hadi tarehe 1/2/2025 na kilele chake itakua tarehe 3/2/2025 hivyo ni vyema Wananchi kutumia fursa hii katika Vituo vinavyotoa Elimu za Kisheria na huduma hii inatolewa buree". Alieleza Mhe. Regina

Aidha Mhe. Regina alivitaja Vituo vinavyotoa huduma hizo za Sheria kuwa ni Stendi ya Kibaoni, Mahakama ya Wilaya na Mahakama zote za Mwanzo.

Kauli mbiu katika Maadhimisho hayo ya Wiki ya Sheria ni " Tanzania ya  2050: Nafasi ya Taasisi zinazo Simamia haki Madai katika Kufikia Malengo Makuu ya Dira ya Taifa ya Maendeleo".