WAHITIMU WA MAFUNZO YA JESHI LA AKIBA WATAKIWA KUISHI KWA KUTII KIAPO WALICHOAPA

"MKAISHI  NA KUTII KIAPO MLICHOAPA" Mhe. Wakili Dunstan Kyobya

Wahitimu wa Mafunzo ya Jeshi la Akiba wametakiwa  kuishi kiapo walichoapa kwa kuzingatia utii, uaminifu, nidhamu, haki, na weledi wakati wa kutenda majukumu yao.

Hayo yamesemwa leo tarehe 15 Novemba 2024  na Mkuu wa Wilaya ya Kilombero Mhe. Wakili Danstan Kyobya wakati alipokua akifunga Mafunzo kwa wahitimu hao wa Mafunzo ya Jeshi la Akiba Kundi la 47 A , Kata ya Kibaoni Halmashauri ya Mji Ifakara.

" Msimuonee mtu  mkatekeleze majukumu yenu kwa  kutenda  haki na kuzisimamia" . Alisema Mhe. Kyobya

Awali  wakati akisoma taarifa kwa Mgeni Rasmi ,Mshauri Mkuu wa Mafunzo ya  Jeshi la Akiba Wilaya ya Kilombero Luteni  Kanali  Munisi  alitaja miongoni mwa mambo waliyojifunza wahitimu hao  ni ukakamavu, ujasiri , nidhamu, uaminifu ,utii, mapambano dhidi ya Rushwa , huduma ya kwanza n.k.

Mafunzo hayo yalifanyika kwa muda wa wiki 18 , jumla ya wahitimu 125 wamehitimu Mafunzo hayo wakiwemo wanaume 106 na Wanawake 19.

Mahafali hayo yalihudhuriwa na Mkurugenzi wa Halmashauri ya Mji Ifakara Bi. Zahara Michuzi.