MKURUGENZI IFAKARA MJI AWAHIMIZA WANANCHI KUJITOKEZA KWA WINGI KUPATA HUDUMA ZA MATIBABU YA KIBINGWA.

Mkurugenzi wa Halmashauri ya Mji Ifakara Bi. Pilly Kitwana amewahimiza Wananchi  wa Halmashauri ya Mji Ifakara na maeneo ya jirani  kujitokeza kwa wingi kupata huduma za  Matibabu ya Kibingwa  kutoka kwa Madaktari Bingwa waliotoka nchini Italia wakishirikiana na Madaktari wa Hospitali ya Rufaa ya Mkoa ya Mtakatifu Fransisko - Ifakara  kwaajili ya kutoa huduma za Matibabu ya  Upimaji wa Magonjwa ya Masikio ,  Pua na Koo . Mdomo sungura, Matende na mabusha , vidonda n.k

Hayo ameyasema leo tarehe 28 Mei ,2025 wakati akizindua  huduma za Matibabu ya Kibingwa katika  Hospitali ya Rufaa ya Mkoa ya Mtakatifu Fransisko zinazotolewa na Madaktari hao waliotoka nchini Italia  kwa kushirikiana na Madaktari wa Hospitali ya Rufaa ya Mkoa ya Mtakatifu Fransisko Ifakara.

Aidha  alimshukuru  Mhe.Rais Dkt. Samia Suluhu Hassan kwa kuendelea kuimarisha mahusiano kati ya Taasisi za Dini na Serikali ambayo yanapelekea kuboresha utolewaji wa huduma kwa jamii.

Wakati huohuo Mkurugenzi wa Tiba Hospitali ya Rufaa ya Mkoa ya  Mtakatifu Fransisko Ifakara Fr. Dkt . Winifridi Gingo alisema Hospitali hiyo ya Rufaa ya  Mkoa ya  Mtakatifu Fransisko hupokea Madaktari hao kila mwaka kwa ajili ya kutoa huduma za Kibingwa kwa Wagonjwa hao ambapo mara baada ya kumaliza huwaachia ujuzi , uzoefu na vifaa  Madaktari Bingwa wa Hospitali hiyo.

" Huduma hizi zimeanza kuanzia leo tarehe 28 /5/2025 Hadi tarehe 11/6/2025  na uchunguzi wa magonjwa haya ni bure na Matibabu yake yanafanyika kwa punguzo la bei" . Alisema  Fr. Dkt. Gingo

Kwa upande wake Kiongozi wa Madaktari  Bingwa kutoka Bologna - Italy Dkt. Actovia Vichi alishukuru kwa Mapokezi mazuri kwa Ofisi ya Mkurugenzi  kwa kushirikiana na  Hospitali ya Rufaa ya Mkoa ya Mtakatifu Fransisko na kuahidi kuwahudumia vizuri   kwa Wagonjwa wote  watakaofika hapo Kupata Matibabu.

Huduma hizo zinatolewa kwa Kushirikiana na  Ofisi ya Mkurugenzi wa Halmashauri ya Mji Ifakara na Hospitali ya Rufaa ya Mkoa ya Mtakatifu Fransisko -Ifakara.