HAMASA YATOLEWA KWA JAMII YA WAFUGAJI KUSHIRIKI MAADHIMISHO SIKU YA WANAWAKE DUNIANI PAMOJA NA UBORESHAJI WA DAFTARI LA KUDUMU LA WAPIGA KURA IFAKARA TC

Wafugaji  wa Kijiji cha Nyange kilichopo Kata ya Msolwa Station katika Halmashauri ya Mji Ifakara wamehamasishwa kushiriki na kutambua umuhimu wa siku ya Wanawake Duniani itakayoadhimishwa  tarehe 8 Machi Duniani kote na  kujitokeza kushiriki  zoezi la kuboresha taarifa zao katika Daftari la Kudumu la  Wapiga Kura linalotarajiwa kuanza tarehe 1 hadi 7 Machi Jimbo la Kilombero .

Hamasa hiyo imetolewa leo tarehe 27 Februari 2025 na Diwani wa Viti Maalum Tarafa ya Mang'ula Mhe. Petronila Mayombo , Diwani wa Viti Maalum Tarafa ya Kidatu Mhe. Emma Ngunga pamoja na Afisa Maendeleo ya Jamii ambaye ni Mratibu wa Dawati la Jinsia wa Halmashauri ya Mji Ifakara  Bw. Agano Mtweve ambapo waliwaelemisha juu ya Matukio hayo ambapo kwa Mkoa wa Morogoro sherehe hiyo itaadhimishwa katika Halmashauri ya Mji Ifakara  Viwanja vya CCM Tangani au Uwanja wa Taifa - Ifakara ambapo Mgeni Rasmi atakua Mkuu wa Mkoa wa Morogoro Mhe. Adam Kighoma Malima.

Aidha kwa upande wa Uboreshaji wa Daftari la Kudumu la Wapiga Kura Jamii hiyo ilielezwa kuwa Vituo vitakua wazi kuanzia saa 2:00 asubuhi hadi saa 12:00 Jioni  katika Kata zote 19 kwenye Vijiji , Mitaa na Vitongoji .

Mmoja wa Wafugaji hao Bibi. Rehema Samato aliwashukuru Viongozi hao kwa kuwafikia katika Maeneo yao  Ili waweze kushiriki katika matukio hayo muhimu kwa  Taifa  na kuahidi kuwa jamii hiyo itashiriki vizuri.