"FANYENI KAZI KULINGANA NA MIKATABA YENU."TD ZAHARA

Posted on: September 11th, 2024

Mkurugenzi wa Halmashauri ya Mji Ifakara  Bi. Zahara Michuzi amewataka Mafundi wanaofanya kazi katika Miradi mbalimbali  inayotekelezwa na Halmashauri ya Mji Ifakara kufanya Kazi hizo kwa kufuata  utaratibu wa Mikataba  ya makubaliano ya kazi.

Hayo ameyasema Jumatano tarehe 11 Septemba ,2024 wakati alipofanya Kikao na  Umoja wa  Mafundi wa Halmashauri ya Mji Ifakara ( UMMI)  kwa lengo la kusikiliza  changamoto zinazowakabili  na kuzitafutia ufumbuzi.

"Fuateni utaratibu na tekelezeni yaliyoko kwenye Mkataba ,msifuate maelekezo ya mdomo". Alisema Bi. Zahara

Nae Mwenyekiti wa Umoja huo Bw. Edwin Mpiwa alimshukuru Mkurugenzi huyo kwa kuwasikiliza na  kutatua changamoto zao na kuahidi kufanya kazi kwa bidii na  kwa  kuzingatia ubora, weledi  na kwa wakati .