Posted on: March 26th, 2020
MKUU Wa Mkoa Wa Morogoro Loata Ole Sanare ameagiza wamiliki wote Wa maduka katika Halmashauri ya Mji Ifakara kuweka Vitakasa mikono na watakaokaidi watanyang'anywa leseni zao.Sanare emetoa agizo hilo Jana baada ya kukutana na makundi mbalimbali ya wafanyabiashara na watoa huduma za Afya kwa lengo la kukumbusha kifuata maagizo ya
Serikali ili kukabiliana na maambukizi ya ugonjwa Wa korona.Ametoa agizo hilo baada ya kufanya ukaguzi Wa kusitukiza katika baadhi ya maduka na sehemu za kutoa huduma za Afya na kubaini kuwa baadhi ya wafanyabiasha hawajaweka vitakasamikono na kumuagiza Afisa Biashara Wa Mji kunyang'anya leseni zao.
"Haiwezekani baadhi yenu kwa makusudi kabisa bado mnadharau maagizo ya Serikali ya kuchukua tahadhari ya ugonjwa huu na mnaangalia kupata Fedha tu bila kujali Afya za wateja wenu,sasa yeyote asiyeweka kifaa hicho tunakula nae sahani moja",alisema.Aidha Mkuu huyo Wa Mkoa amewataka wahusika wote Wa mabasi kuhakikisha kuwa abiria
kabla ya kupanda basi ananawa mikono na akishuka ananawa mikono na ni wajibu Wa wamiliki Wa mabasi kununua vitakasa mikono ili abiria wao wasipate tabu kuvitumia punde
wanapotumia vyombo vyao.
Kuhusu upandishaji Wa bei vifaa vya kujizuia maambukizi ya korona,Mkuu huyo Wa Mkoa amewaagiza wafanyabiashara Wa jumla na rejareja kuuza vifaa hivyo kwa bei iliyozoeleka
na yeyote atakaepandisha atanyang'anywa leseni na kufikishwa katika vyombo vya Sheria.Nao baadhi ya wafanyabiashara na wamiliki Wa maduka ya kutoa dawa wameipongeza Serikali kwa kutoa elimu ya mara kwa mara kuhusu maambukizi ya korona na kusema kuwa yule anaekaida kweli inapaswa Serikali imchukulie hatua.
"Sisi kama wadau tupo tayari kuisaidia aerikali katika kupambana na korona na nia ya Serikali ni thabiti yenye nia ya kumuokoa mwananchi hivyo tupo tayari kushiriki kuzuia maambukizi ya ugonjwa huo na atakaekaidi huyo sio mwenzetu,"alisema Bernard Ngasaru mmiliki Wa duka la dawa la jumla.
Naye Ester Sosten muuzaji Wa duka la kutoa dawa alisema toka Serikali itangaze ugonjwa huo kuingia nchini na wananchi kuchukua tahadhari,wananchi wengi wananunua vifaa vya kujikinga na maambukizi tatizo lipo kwa wafanyabiashara wa maduka ya jumla kupandisha bei vitakasa mikono na viziba pua.
Mwisho
